دنيا الملاعب | اخبار الرياضة موقع متخصص فى اخبار الرياضه العربية المحلية العالمية لحظة بلحظة
مقالات مشابهة
متابعة ـ دنيا الملاعب :
اكد محمد عبد الوهاب عضو مجلس ادارة النادى الاهلى للاعلامى احمد شوبير : اللى هقوله ده انا شوفته متحكاليش .. ابو تريكة مرفضش انه يسلم على المشير طنطاوى .. ابو تريكة كان فى حالة لا يرثى لها ونزل من الطيارة جرى للاتوبيس الخاص باللاعيبة .. وهو فى ايه ولا فى ايه عشان نقول سلم ولا مسلمش يا كابتن !
واضاف محمد عبد الوهاب لشوبير قائلا : مينفعش تروح يا كابتن بقضية بورسعيد لحتة تانية خلاص مينفعش تحاول تبوظ القضية .. ولا ينفع تقول ان ابو تريكة هو اللى قال ان الجيش السبب فيها .. الكلام دا مش صح .
ويرد عليه الكابتن احمد شوبير مرتبكا : لا مقلتش ان ابو تريكة السبب !!! ( وسبق لشوبير القول ان تريكة السبب فى كراهية الناس للجيش لانه رفض السلم على المشير ابو غزالة ، وبذلك تراجع شوبير عن اتهامه بعد مواجهته مع محمد عبدالوهاب )
جاء ذلك فى حوار بين الحاج محمد عبدالوهاب عضو مجلس ادارة النادى الاهلى وصاحب الرصيد الاكبر من شعبية اعضاء القلعة الحمراء مع الاعلامى احمد شوبير فى برنامجه الذى يقدمه يوميا على فضائية سى بى سى اكسترا على الهواء مباشرة .
